View this post on Instagram

 

A post shared by Dp Emotional (@dpemotional)

जबाबदारी माणसाला सगळं काही शिकवते, असं म्हणतात. त्यात गरिबी वाट्याला आली की, मेहनत आणि अथक परिश्रमांशिवाय कुठलाच पर्याय उरत नाही. आपली पोटाची खळगी भरण्यासाठी अनेक जण दररोज जीवाचं रान करतात आणि आपली भूक भागवतात; पण ज्या पोटासाठी कमवायचं, ते खायला वेळच नाही मिळाला तर. सध्या अशीच परिस्थिती एका डिलिव्हरी बॉयची झालीय; ज्याचा व्हिडीओ सोशल मीडियावर मोठ्या प्रमाणात व्हायरल होतोय.

 

View this post on Instagram

 

A post shared by Dp Emotional (@dpemotional)

व्हायरल व्हिडीओत एक तरुण बाईक चालविताना दिसतोय. या तरुणानं पाठी भलंमोठं पार्सलचं ओझं घेतलेलं दिसतंय. त्यावरून हा तरुण डिलिव्हरी बॉय असल्याचं कळून येतंय. या व्हिडीओत तरुणानं सिग्नल लागला म्हणून गाडी थांबवली आहे. या दगदगीच्या आयुष्यात त्याला चार घास सुखाचे खायलादेखील मिळत नसल्याचं यातून कळतंय. सिग्नलला गाडी लावून तरुण पोटाची भूक भागविण्यासाठी त्या गाडीवरच तो आपलं अन्न खाऊ लागतो. खाता खाता त्याचं सिग्नलकडे लक्ष असतं. सिग्नल सुटेल तेव्हा गाडी काढायची म्हणून तो पटापट अन्न खाऊ लागतो.

 

View this post on Instagram

 

A post shared by Dp Emotional (@dpemotional)

हा व्हिडीओ @dpemotional या इन्स्टाग्राम अकाउंटवरून शेअर करण्यात आला असून लडका होना इतना आसान नही होता है जनाब, अशी कॅप्शन या व्हिडीओला देण्यात आली आहे. या व्हिडीओला तब्बल ८ मिलियन व्ह्युज आले आहेत. व्हायरल झालेला व्हिडीओ पाहून अनेकांनी भावूक होत, आपापल्या प्रतिक्रिया दिल्या आहेत. एका युजरने कमेंट करीत लिहिलं, “त्याला शांतपणे खाऊ द्या, कशाला त्याचा व्हिडीओ बनवताय.” तर दुसऱ्यानं “कोण म्हणतं की, मुलगा होणं सोप आहे.” अशी कमेंट केली. तिसऱ्यानं कमेंट करत लिहिलं, “जे लोक इतरांना वेळेवर अन्न पोहोचवतात, त्यांच्याकडेच अन्न खायला वेळ नाही Delivery Boy Emotional Video”

The post परिस्थिती सगळं काही शिकवते! डिलिव्हरी बॉयचा हा VIDEO पाहून प्रत्येकाच्या डोळ्यात येईल पाणी appeared first on Sheti Batami.